متى البرستيج يطيح ؟

أصبحنا وقد غزتنا الكاميرات الرقمية وأبطال الديجتال ، دحين راعي البقالة تلاقيه مصور ! أي واحد مسكلو كاميرا لقطلو لقطتين وعجبتو الشغله قال أنا فوتوغرافي ! <<< بسسس يا حمزة! ترا فوتوغرافي يعني كتشب بالشيسوسلفاكيا لا تحسب نفسك أنتييك << استهبل عايدي

التصوير فن مو سبهلله ، له أساسيات وقواعد ونحو ، أنواعه كثيرة وتصوير الأطفال هو المفضل عندي ، تقدرو تسموه (السهل الممتنع) ، عشان تصير مصوراتي أطفال لازم لازم تتعلم أساليب الدحلسه مع صبر أيوب ، لو ما عندك هذه الحاجتين وتبغا تصور بزورة يتوارالي تقطع بصل اصرف بمعنى آخر أسري لا تنفقع مرارتك أو بمعنى أدق :

لا يطيح برستيجك

في الحقيقة والواقع والبحر مليان قواقع أنا مو قصدي أصعّب الموضوع ، بالعكس الشغله ممتعة وخاصة لو كنت تحب الأطفال ، في هذه التدوينة الخفيفة -إن شاء الله- شوية نصايح تساعد في تسهيل الموضوع ، محا اهرج تقنياً وكيف تعمل اعدادات الكاميرا وكدا لأني مو متخصصة لو حابين هذه المواضيع  ازهمو عبد الغني <<< توريطة